Nightcrawler (2014)

ලු බ්ලුම් රැකියාවක් නැති තරුණයෙකි. ඔහු ජිවත් වීමට කරන්නේ වැඩපොලවල්, ගබඩා වල යකඩ සොරකන් කර විකිණීමයි. ඔහුට රැකියාවක් දීමට කිසි කෙනෙක් කැමති නොවන්නේ ද මෙනිසාය. ඒත් එක් දිනක ඔහු දකින්න ලැබෙන හදිසි අනතුරක් රූගත කරන මාධ්‍යවේදීන් පිරිසක් නිසා මොහුගේ ජීවිතය හාත්පසින් වෙනස්ම මාර්ගයට වැටේ (source: baiscopelk). ඔහු ද කැමරාවක් හා රේඩියෝ ස්කෑනරයක් ගෙන, පොලීසියේ පණිවිඩවලට සවන්දෙමින්, අනතුරු සිදුවූ තැන්වලට ගොස් ඒවා වීඩියෝ කර මාධ්‍ය ආයතනවලට විකිණීම ආරම්භ කරයි. දිනෙන් දින දියුණු වන මොහු තමන්ගේ උදව්වට රික් නම් තරුණයෙක් ද බඳවා ගනී. එමෙන්ම මාධ්‍ය ආයතනයට ද තම බලපුළුවන්කාරකම් පෙන්වා තම ගෙවීම් වැඩිකර ගනී. මාධ්‍ය ආයතනය ද වග විභාගයක් නැතිව ම මොහු ගෙනෙන වීඩියෝ ප්‍ර‍චාරය කරයි. දිනක් අපරාධයක් සිදුවන ස්ථානයකට, පොලීසිය යාමටත් ප්‍ර‍ථම යාමට මොවුන්ට හැකි වන අතර එහිදී අදාළ අපරාධය කලවුන් ඇතුළු සම්පූර්ණ සිද්ධියම වීඩියෝ කර ගනී. නමුත් මාධ්‍ය ආයතනයට ලබාදෙන්නේ අපරාධකරුවන්ගේ තොරතුරු ඉවත් කළ වීඩියෝවයි. වීඩියෝව ප්‍ර‍සිද්ධ වීමෙන් පසු අපරාධකරුවන්ව සොයා දෙනවුන්ට මුදල් පිරිනමන බව ප්‍ර‍කාශ කිරීමත් සමඟ ක්‍රියාත්මක වන බ්ලුම් හා රික්, අපරාධකරුවන් පසුපස ගොස්, ඔවුන් පිළිබඳ තොරතුරු පොලීසියට ලබා දේ. පොලීසිය පැමිණ අපරාධකරුවන් අල්ලා ගන්නා ආකාරය වීඩියෝ කරන මොවුන් එතැනින් පැනගත් අපරාධකරුවෙක් පසුපස පොලීසය සමඟ හමා යන ආකාරය ද වීඩියෝ කරයි. අවසානයේ අපරාධකරු මෙල්ල වූ පසු ඔහුව වීඩියෝ කිරීමට රික් ව යවන අතර, අපරාධකරු රික් ට වෙඩි තබන ආකාරයත්, ඔහු මියයන ආකාරයත්, එතැනින් එහාට සිදුවූ සියල්ලත් වීඩියෝ කර මාධ්‍ය ආයතනයට විකුණයි. බ්ලුම්ගේ මෙම ක්‍රියාවලිය ගැන සැකකරන පොලිස් පරීක්ෂකවරියක් පැමිණ සම්පූර්ණ සිද්ධිය වටහා ගත්තත්, සාක්ෂි නොමැති නිසා බ්ලුම් වරදකරුවෙක් නොවී නිදහස් වේ. අවසානයේ දී බ්ලුම්, තවත් කීපදෙනෙකු තම කණ්ඩායමට බඳවාගෙන තම ව්‍යාපාරය දියුණු කරයි.
මාධ්‍ය සදාචාරය ගැන කිසිම සැලකිල්ලක් නොදක්වා ක්‍රියාකරන, මුදල් පසුපස පමණක් හමා යන වාර්ථාකරුවෙකු හා මාධ්‍ය ආයතනයක් ගැන කියවෙන, උසස් තත්ත්වයේ ෆිල්මකි.
(Sinhala subtitles සඳහා baiscopelk වෙත පිවිසෙන්න).

Ant-Man (2015)

ඒ 1989 වසරයි. Hank Pym නම් විද්‍යාඥයා S.H.I.E.L.D. පරීක්ෂාණාගාරයක සේවය කරන්නෙකි. පරමාණු අතර දුර අඩු කිරීමේ තාක්ෂණයක් මඟින් මිනිසෙකු කුහුඹියෙකු තරමට කුඩා විය හැකි මෙන්ම ශරීර ශක්තිය මෙන් විසි ගුණයක ශක්තියක් ද ලබාගත හැකි ඇඳුමක් ඔහු විසින් සාදයි. කෙසේවෙතත් මෙම තාක්ෂණය වැරදි කෙනෙකුට ලැබුනොත් සිදුවන විනාශය ගැන සිතා එය සගවා තබයි. Pym  විසින් Pym Technologies නම් ආයතනය පිහිටුවන අතර ඔහුගේ ගෝලයෙකු වු Darren Cross, පසුකලෙක Pym ව ආයතනයෙන් නෙරපා දමා, Pymගේ දියණිය වන  Hope සමඟ එකතුවී මෙම තාක්ෂණය සොයාගැනීමට උත්සහ කරයි. වසර ගණනකට පසු එය සාර්ථක වන අතර එය Yellowjacket ලෙස නම් කරයි. Cross උත්සහ කරන්නේ එම තාක්ෂණය ත්‍ර‍ස්තවාදීන්ට විකුණා මුදල් ලබාගැනීමට බව දැනගත් Hope එය තම පියාට පවසන අතර එය නැවැත්වීමට උත්සහ දරයි.
Scott Lang යනු හොඳ තාක්ෂණික දැනුමක් ඇති සොරෙකි. ඔහුගේ බිරිඳ වෙනත් විවාහයක් කරගෙන ඇති අතර කුඩා දියණිය - Cassie, ඔවුන් සමඟ ජීවත් වේ. කාලයක් සිරගත වී සිට නිදහස ලබා පැමිණි ඔහු, තම පැරණි මිතුරෙකු වූ Luis සමඟ දිවිගෙවයි. Lang නැවතත් සොරකම් නොකර, රක්ෂාවක් කර ජීවත් වීමට උත්සහ කරත් එය අපහසු වන අතර Luisගේ කීමක් අසා ධනවතෙකුගේ නිවෙසක ඇති සේප්පුවක් බිඳීමට එකඟ වීමට සිදුවේ. වැඩ දමා සේප්පුව කැඩුවත් හමුවන්නේ මෝටර් සයිකල් ඇඳුමක් වැනි ඇඳුමකි. එය ද රැගෙන යන ඔහු පසු වෙලාවක එය ඇඳ එහි වූ බොත්තම් ඔබයි. ක්ෂණයෙන් කුහුඹු මිනිසෙකු බවට පත්වන ඔහු කලබල වන අතර Pym ඔහුට කථාකර කියන්නේ කලබල නොවන ලෙසයි. නමුත් නැවතත් යථා තත්ත්වයට පැමිණි පසු Lang කරන්නේ එම ඇඳුම තිබූ තැන තැබීමට යාමයි. එහිදී ඔහුව පොලීසියට හසුවන අතර ඔහුව බේරාගන්නේ Pym ය. මෙම ඇඳුම සොරකම් කිරීමට පෙළඹවූයේ තමා බව පවසන Pym, තමාට උදව් කළොත් Lang ට තම දියණිය සමඟ සිටීමට අවස්ථාව ලබාදෙන පවසයි. Langගේ මෙහෙයුම වන්නේ Crossට අයත් Yellowjacket ඇඳුම සොරකම් කර Pym Technologies ආයතනය විනාශ කිරීමයි. Lang තම පුහුණුවීම් ආරම්භ කරන අතර තම ශරීරය ප්‍ර‍මාණය වෙනස් කරමින් විවිධ මෙහෙයුම්වල නිරත වීමත්, කුහුඹුවන්ගේ සිතිවිලි පාලනය කිරීමටත් සමත් වේ. Avengers මූලස්ථානයට ගොස් අවශ්‍ය උපකරණ සොරාගැනීමට ද ඔහු සමත් වේ. කිසිවිටෙක උප-පරමාණුක තත්ත්වය දක්වා කුඩා නොවන ලෙස පවසන Pym, තම බිරිඳ ද නැතිවුනේ එසේ කුඩා වී අනන්තය දක්වා හැකිළීමෙන් බව කියයි (source: Vidusara).  අවසානයේ තම කණ්ඩායම ද සමඟ එක්වී Pym Technologies වෙත ගොස් Cross හා Hydra සංවිධානය අතර සිදුවන මේ ගණුදෙනුව වැලැක්වීමට උත්සහ කරයි. නමුත් සිදුවූ යම් යම් සිද්ධීන් නිසා සැළසුම් වෙනස් වූවත් ගණුදෙනුව වලක්වයි. Cross, Yellowjacket එක ඇඳගෙන, කුහුඹියෙකු තරමට කුඩා වී Lang සමඟ සටන් කරන අතර Crossව පැරැද්දීමට Lang ට උප-පරමාණුක තත්ත්වයට යාමට සිදුවේ. Crossව ඝාතනය කළ ද මොහුව අනන්තය දක්වා හැකිළීමට පටන් ගනී. Cassieගේ කටහඬ ඇසීමත් සමඟ ඔහුට සිදුවන දේ වැටහෙන අතර නැවතත් සාමාන්‍ය තත්ත්වයට ඒමට ඔහු සමත් වේ.
හොඳ හොඳ ක්‍රියාදාම මෙන්ම පොඩි පොඩි කොමඩි ද ඇති, අනිවා බැලිය යුතු, සුපිරි තත්ත්වයේ action - sci-fi ෆිල්මකි.
(Sinhala subtitles සඳහා baiscopelk වෙත පිවිසෙන්න).

Paddington (2014)

පේරු හි මහ කැලයට යන ගවේශකයෙකු වූ Montgomery Clydeට බුද්ධිමත් වලස් වි‍ශේෂයක් හමුවේ. මොහු සමඟ කලක් ගතකරන විට මෙම වලසුන්ට ඉංග්‍රීසි ද කථා කිරීමට හැකිවේ. Clyde ඔවුන් ව Lucy හා Pastuzo ලෙස නම් කරයි. ඔහු කැලයෙන් යන්නේ වලසුන්ට ලන්ඩන් වෙත ඒමට ආරාධනයක් ද කරමිනි. වසර කීපයකට පසු මෙම වලසුන්, තම බෑනා සමඟ සතුටෙන් ජීවත් විය. දිනක් සිදුවන දරුණු භුමිකම්පාවක් නිසා Pastuzo මාමා මියයයි. Lucy නැනදාගේ බෑනා, ඇයත් සමඟ ලන්ඩන් බලා එන්නේ Clydeව සොයාගෙන ය. එහි පැමිණි පසු ඔවුන් වෙන් වී වෙන වෙනම තමන්ට අවශ්‍ය නවාතැන් සොයාගෙන යයි. තරුණ වලසා ට Brown පවුල හමුවන්නේ මෙහිදී ය. ඔවුන් මොහුට Paddington ලෙස නම් තබයි. තාවකාලිකව Brown නිවසේ සිටින Paddington ට Brown මහතා හැර අනෙක් සියල්ලන් කැමති වේ. Brown මහතා උත්සහ කරන්නේ Paddingtonට කෙසේ හෝ Clydeව සොයා දී ඌව නිවෙසින් පිටත් කරවීමටයි. මේ අතර Clydeගේ දුව වන Millicent Clyde, Paddington පසුපස පන්නයි. Brown මහතා හා Paddington කොතෙක් උත්සහ කළත් ගවේශක Clydeව සොයාගැනීමට අපෙහොසත් වේ. මේ නිසා මෙන්ම Paddington අතින් සිදුවූ යම් යම් සිද්ධීන් නිසා Paddington තනිවම තම අරමුණ ඉටුකරගැනීමට උත්සහ කරයි. මෙහිදී Paddington දැනගන්නේ ගවේශක Clyde මහතා මියගොස් ඇති බව ය. පෙර සිට ම Paddington පසුපස පැන්නූ Millicent Clyde, Paddingtonව අල්ලාගෙන, ඌව මරා, තම කෞතුකාගාරයේ ප්‍ර‍දර්ශන භාන්ඩයක් ලෙස තැබීමට සැරසෙයි. ඇය මෙසේ සතුන්ගෙන් පලිගන්නේ ඇගේ පියා, තම පවුලට මෙන්ම ඇයට ද  හරි හැටි නොසැලකූ නිසාවෙනි. කෙසේ වෙතත් Brown පවුල සිද්ධිය තේරුම් ගෙන, Paddingtonව සොයා පැමිණ, සෑහෙන උත්සහයක් දරා ඌව බේරාගනී. අවසානයේ Paddingtonට නියම පවුල හමුවේ. පවුලේ සැමට බැලිය හැකි, ලස්සන කථාවක් සහිත, හොඳ තත්ත්වයේ ෆිල්මකි.
(Sinhala subtitles සඳහා baiscopelk වෙත පිවිසෙන්න).

Maze Runner: The Scorch Trials (2015)

WCKD සංවිධානය මඟින් සෑදූ වංකගිරියෙන් බේරී එන Thomas ඇතුළු පිරිස, එම සංවිධානයට විරුද්ධව වැඩ කරනවායැයි කියන, Janson නම් පුද්ගලයෙක් යටතේ ඇති තවත් කඳවුරකට රැගෙන යයි. එහිදී ඔවුන්ට අමතකව තිබූ ලෝකයේ සත්‍ය ස්වභාවය කෙමෙන් වැටහෙයි. කලෙකට පෙර සූර්යයාගෙන් නිකුත් වූ ගිනිදැල්ලක් නිසා ලෝකයට විශාල හානියක් වූ බවත්, එයින් දිවි ගලවාගත්තවුන්ගෙන් වැඩි පිරිසක් Flare වෛරසය නිසා Cranks නමින් හඳුන්වන උමතු සතුන් පිරිසක් වී ඇති බවත් සුළු කොටසක් පමණක් තැන් තැන් වල කණ්ඩායම් ආකාරයෙන් ජිවත්වන බවත් ය. ස්වභාවයෙන්ම Thomas සතුව මෙම වෛරසයට ප්‍ර‍තිශක්තියක් ඇති බැවින් ඔහුව කුඩාකාලයේදී ම, Paige නම් වෛද්‍යවරිය යටතේ ඇති WCKD සංවිධානයේ භාරයට ගෙන ඇත. WCKD හි වංකගිරි පරීක්ෂණයේ අරමුණ වන්නේ ද Thomas වැනි තරුණ තරුණියන්ගේ මොළයේ ක්‍රියාකාරීත්වය අනුව වෛරසයට ප්‍ර‍තිකර්මයක් සෑදීමයි.

නව කඳවුරේ දී Thomas ඇතුළු පිරිසට, ඔවුන් සිටි ඇකාරයේ වංකගිරිවල සිට බේරී ආ තවත් බොහෝ අය හමුවේ. Janson විසින් දිනපතා එයින් කීපදෙනා බැගින් තවත් හොඳ සථානයකට රැගෙන යන බව පවසා ගෙනයයි. එහි වැඩි කාලයක් රැඳී සිටි Aris නම් තරුණයාගේ ද උදව් ඇතිව Thomas මේ ගැන සොයා බලන අතර එහිදී අනාවරණය වන්නේ මේ කඳවුර ද WCKDහි ම කොටසක් බවත්, Paige තවමත් ජීවත් වන බවත්, කලින් රැගෙන ගිය අය රහස් කාමරයක රඳවා, ඔවුන්ගේ මොළවලින්, වෛරසය තරමක් දුරට හෝ පාලනය කළ හැකි බෙහෙතක් නිස්සාරණය කරන බවත් ය. මෙය දැකීමත් සමඟ වහා ක්‍රියාත්මක වන Thomas, තම කණ්ඩායමත් සමඟ එතැනින් පැනයයි. Crankලාගේ ප්‍ර‍හාර මැද අති දුෂ්කර ගමනක් අවසානයේ ඔවුන් කුඩා කල්ලියක් වෙත එයි. එයට ද WCKD විසින් පහර දෙන අතර එහි සිටි Jorge හා Brenda ද සමඟ එතැනින් පැන ගැනීමට සමත් වේ. නැවතත් දිගු ගමනකින් පසු ඔවුන් Right Arm නම් කැරලිකරුවන් වෙත යයි. එහිදී Thomasට, WCKDහි කලින් වැඩකළ Mary Cooper නම් වෛද්‍යවරියගෙන් දැනගැනීමට ලැබෙන්නේ Thomas ද WCKDහි වැඩකළ අයෙක් බවත්, එහි ක්‍රියාවලිය ගැන කළකිරී කැරලිකරුවන්ට තොරතුරු දුන් බවත්, එබැවින් ඔහුගේ මතකය මකා දමා ඔහුව ද වංකගිරියට දැමූ බවත් ය (source: Vidusara). කෙසේවෙතත් Thomasගේ කණ්ඩායමේ ම කෙනෙක් වූ Teresa, WCKD වෙත තමා සිටින තැන ගැන තොරතුරු සපයයි. Paige හා Janson ඇතුළු WCKD කණ්ඩායමක් පැමිණ මහා විනාශයක් සිදුකර එහි සිටින්නන්ව රැගෙන යාමට තැත් කරයි. Thomasගේ හා Jorgeගේ සටන් කිරීම නිසා සියල්ලන් රැගෙන යාමට නොහැකි වුවත්, Thomasගේ යහළුවා වූ Minho ඇතුළු පිරිසක් රැගෙන යාමට සමත් වේ. Thomasගේ ඊලඟ උත්සහය වන්නේ අවසානයට ඉතුරු වූ ටික දෙනා සමඟ WCKD වෙත ගොස් පහර දී විනාශ කර මේ දරුණු ක්‍රියාවලිය නැවැත්වීමයි.

දරුණු වෛරසයක් නිසා විනාශ වෙමින් පවතින මනුෂ්‍ය සංහතිය බේරාගැනීමට ඉතිරිව සිටින්නන් ද විනාශ කරමින්, වැරදි ආකාරයකින් ක්‍රියා කරන සංවිධානයකින් පැනයන ළමුන් පිරිසක් ගැන මෙන්ම, ඔවුන් ඉමහත් කැපකිරීම් කරමින් එය නවතා දැමීමට දරන උත්සහය ගැන කියවෙන, ක්‍රියාදාම බහුල, සුපිරි තත්ත්වයේ action - sci-fi ෆිල්මකි.

(Sinhala subtitles සඳහා baiscopelk වෙත පිවිසෙන්න).

Jackie Chan Presents: Wushu (2008)

කුඩා කල සිටම සටන් වලට කැමති ළමුන් පිරිසක් Wushu පාසලකට ඇතුලත් වී හොඳින් සටන් කලාව ඉගෙන ගන්නා අතර ඔවුන් පසු කලෙක, එම පාසලේම ආදි ශිෂ්‍යයෙක් විසින් සිදුකරන ළමා සොරකමකට එරෙහිව, එකම කණ්ඩායමක් ලෙස සටන් කරයි. ඔහුව පරදා, ළමා සොරකම ද නවතා, පාසල් අවසන් පරීක්ෂණයෙන් ද සමත්වන සිසු සිසුවියන් පිරිසක් ගැන කියවෙන, සාමාන්‍යයෙන් හොඳ තත්ත්වයේ ෆිල්මකි.

I Origins (2014)

Ian Gray, ඇසේ පරිණාමය ගැන පරීක්ෂණ කරන පශ්චාත් උපාධි සිසුවෙකි. ඇසේ පරිණාමය ගැන නිසි සාක්ෂි තවමත් නැතිවීම, මිනිසා දෙවියන් විසින් නිර්මාණය කරා'යැයි කියන මතය තහවුරු කරන එක් සාධකයක් බැවින් එය බිද දැමීම  Ianගේ ඉලක්කයයි. තම මිතුරා වූ Kenny සමඟ මොහු මෙම පරීක්ෂණ කරන අතර උපාධි ශිෂ්‍යාවක් වූ Karen ද මොවුන්ගේ වැඩවලට සම්බන්ධ වෙයි. එක් දිනකදී Ianට තරුණියක් මුණ ගැසෙන අතර ඔහු ඇගේ දෑසේ ඡායාරූප ගනී. ඔවුන් ප්‍රේමයකට මුල පිරුවත් හදිසියේම ඇය පලා යයි. කෙසේවෙතත් ටික දිනකට පසු අහඹු සිදුවීම් කීපයකින් පසු නැවතත් ඇයව හමුවේ. Sofi නම් එම තරුණිය සමඟ නැවතත් ප්‍රේමය පටන්ගනී. ඔවුහු විවාහ වීමට ද තීරණය කරයි. විවාහ වන දිනයේ පරීක්ෂණාගාරයේ කෙරුණු පරීක්ෂණයක් සාර්ථක වීමක් ගැන Karen, Ianට දැනුම් දෙන අතර Ian, Sofi ද සමඟ පරීක්ෂණෘගාරයට යයි. නැවතත් එහි සිට එන අතරතුර විදුලි සෝපානයේ දී සිදුවන අවාසනාවන්ත අනතුරක් නිසා Sofi මියයයි. කාලෙකට පසු Ian, Karen සමඟ විවාහ වෙයි. වසර 7කට පසු ඔවුන් මේ තාක් කළ පරීක්ෂණ ගැන පොතක් පළ කරන අතර ඒ සමයේදීම ඔවුන්ට දරුවෙකුද ලැබෙයි. අළුත උපන් සෑම දරුවෙකුගේ ම ඇස් පරිලෝකනය කර ගබඩා කරන නව ක්‍ර‍යට අනුව මේ දරුවාගේ ද ඇස් පරිලෝකනය කරන අතර එහිදී පෙන්වන්නේ මෙම දරුවාගේ අක්ෂි සටහනට සමාන අක්ෂි සටහනක් ඇති  Paul Edgar Dairy නම් පුද්ගලයෙක් සිටින බව ය. මෙය පද්ධති‍යේ වැරැද්දක් ලෙස නොසලකා හරි. පසු කලෙක Simmons නම් වෛද්‍යවරියක් ඔවුන්ට කථා කර කියන්නේ ඔවුන්ගේ දරුවා සම්බන්ධයෙන් පරීක්ෂණක් පැවැත්විය යුතු බවත් ඒ සඳහා සහභාගි වන ලෙසත් ය. එම පරීක්ෂණයේ දී දරුවාට විවිධ ඡායාරූප පෙන්වා ඒවා කෙරෙහි දරුවාගේ සංවේදීතාව ගැන සොයා බලයි. නමුත් මේ ගැන සැක කරන Ian, ඒ ඡායාරූපවල තිබූ තොරතුරු අනුව අදාල ප්‍රදේශය සොයා යන අතර එහිදී ඔහු දකින්නේ, තම දරුවා වඩාත් සංවේදී වූ දර්ශන එහි ඇති බවත් කලෙකට පෙර එහි විසූ Paul Edgar Dairy මිය ගිය බවත් ය. වෛද්‍ය Simmons උත්සහ කරන්නේ පුනරුත්පත්තිය ගැන පරීක්ෂණයක් කිරීමට ද, කෙනෙක් මියගිය විට ඔහුගේ අක්ෂි සටහනම ඇති තවත් අයෙක් ඉපදීමට ඇති ඉඩකඩ ගැන සෙවීමට ද යන්න ඔවුන්ට සැක මතුවේ. Ian, Karen හා Kenny එකතු වී Sofiගේ අක්ෂි සටහන සහිත අයෙක් ගැන සොයා බලන අතර එවිට හමුවන්නේ එම අක්ෂි සටහනම සහිත දැරියක් ඉන්දියාවේ සිටින බවය (source: Vidusara). Ian ඉන්දියාවට ගොස් දැඩි වෙහෙසක්, වියදමක් දරා Salomina නම් එම දැරිය සොයාගන්නා අතර ඇයට ද ඔහු, Sofiගේ මෙන්ම Sofi ආසා කළ දේවල්වල ඡායාරූප පෙන්වයි. නමුත් පරීක්ෂණය එතරම් සාර්ථක නොවන අතර ඇයව නැවත නිවසට ගෙනයාම සඳහා Ian නැවතී සිටි හෝටලයේ විදුලි සෝපානය වෙත යන අතර එහිදී ඇය දැඩි ලෙස බියපත් වී, අඬමින්, Ian ව දැඩිව බදාගනී. එහිදී ඔහු කරුණු තේරුම්ගනී. ෆිල්මේ අවසානයට ම වෛද්‍ය Simmons විසින් ලොව සිටි ප්‍ර‍සිද්ධ පුද්ගලයන්ගේ අක්ෂි සන්සන්දනය කිරීමක් පෙන්වයි. සැබවින්ම සිදුවන දේ හා විද්‍යාත්මක පැහැදිළි කිරීම් අතර පරතරය මෙන්ම ඇදහිලි හා විශ්වාසව අභියොගයට ලක් කරත් සමහර අවස්ථාවලදී ඒවා නොසැලකිය නොහැකි බව පැවසෙන, සංවේදී සිද්ධි මෙන්ම 18+ දර්ශන කීපයක් ද ඇති, එහෙත් ලස්සන, අමුතු ආකාරයේ කථාවක් සහිත සුපිරි තත්ත්වයේ විද්‍යා ප්‍ර‍බන්ධ ෆිල්මකි.
(Sinhala subtitles සඳහා baiscopelk වෙත පිවිසෙන්න).

Ultraviolet (2006)

2078 දී ලොව පුරා අමුතු ආකාරයේ වෛරසයක් පැතිර යන අතර එය වැළඳෙන සෑම අයෙක්ම වැම්පයර් ලක්ෂණ පෙන්වයි. මොවුන් hemophages ලෙස හඳුන්වන අතර සුපිරි මනුෂ්‍ය හැකියා ද ඇතිවන'මුත් ජීවත් විය හැක්කේ වසර 12ක් පමණි. Daxus නම් අයෙක්ගේ නායකත්වය යටතේ ඇති Archministry නම් සංවිධානයක් විසින් කරන්නේ මේ hemophagesලාව ඝාතනය විනාශ කිරීමයි. Hemophages කෙනෙකු වන Violet නම් තරුණිය, hemophagesලාව සුරකින රහස් සංවිධානයක සේවය කරයි.දිනක් ඇයගේ මෙහෙයුම වන්නේ hemophagesලාව විනාශ කිරීමට සෑදූ විශේෂ ආයුධයක් සොරකම් කිරීමය. එය සොරකම් කළ පසු ඇය දැනගන්නේ එහි ඇත්තේ අයුධයක් නොවන බවත් සිටින්නේ Six නම් ළමයෙකු බවත් ය. ඇයට හැඟෙන්නේ මේ ළමයාගේ රැධිරයෙහි සතුව hemophagesලාව සුව කිරීමට සමත් බෙහෙත ඇති බවය. නමුත් ඇගේ යහළුවා වන Garth පවසන්නේ එය එසේ නොවන බවය. Daxusගේ කණ්ඩායමක් පැමිණ නැවතත් Six ව පැහැරගන්නා අතර Violet ඔහුව බේරාගැනීමට යයි. එහිදී ඇය දැනගන්නේ Six යනු Daxusගේ ක්ලෝනයක් බවය. Six ට ජීවත්වීමට තවත් ඇත්තේ පැය 8ක් බැවින් Violet නැවතත් Six ව රැගෙන ඔහුගේ අවසානය නිදහසේ සිදුවීමට ඉඩහරි. එහෙත් Daxus, Violet ට වෙඩි තබා Six ව නැවත රැගෙන යයි. මේ අතර Garth විසින් වෛරසයට බෙහෙතක් සාදයි. කෙසෙවෙතත් Violetට හැඟීයන්නේ ඇත්තෙන්ම Six මිය නොගිය බවය. නැවතත් Daxusට එරෙහිව සටන් කර ඔහුව ඝාතනය කර Six ව රැගෙන නමුත් Violetට බෙහෙත බල-නොපාන්නේ ඇය වසර 12හි අවසාන කාලයේ සිටින බැවිනි. කථාව හොඳ වුවත් ෆිල්මේ එතරම් ගතියක් නැත. සාමාන්‍යයෙන් හොඳ තත්ත්වයේ action - sci-fi ෆිල්මකි.
(Sinhala subtitles සඳහා baiscopelk වෙත පිවිසෙන්න).

Paul (2011)

Graeme Willy හා Clive Gollings යනු කොමික් පොත් ලියන දෙ‍දෙනෙකි. තම පොත්වලට නව අදහස් ගැනීම සඳහා මොවුන් ඇමරිකාවේ සංචාරයකට එයි. දිනක් මෙසේ ගමන් කරන විට රිය අනතුරක් දකින මොවුන් අනතුරට පත්වූවන් බේරාගැනීමට යයි. එහිදී ඔවුන්ට හමුවන්නේ හොඳින් ඉංග්‍රීසි කථා කළ හැකි, Paul නම් පිටසක්වල ජීවියා ය! Paul ද මොවුන්ගේ ගමනට එක් වන අතර එහිදී දැනගන්නේ Paul, තම යානය කඩාවැටුනු පසු තමාව රජයේ රහස් පරීක්ෂණාගාරවලට රැගෙන ගිය බවත්, විශාල කාලයක් ඒවායේ වැඩ කළ බවත්, තම දැනුම ඔවුන්ට දුන් බවත්, අවසානයේ ඔවුන් තම මොළය ලබාගැනීමට උත්සාහ කළ නිසා, රහසේ ම පිටසක්වලට පණිවුඩයක් ද යවා, එහි වැඩකරන Zoil නම් තරුණයාගේ ද උදව් ඇතිව තමන් එතැනින් පැන ආ බවත්ය. එමෙන් ම දැන් ඔවුන්, තමන්ව අල්ලා ගැනීමට තමා පසුපස එන බව ද කියයි. මෙසේ යන ගමන අතරතුර අහම්බෙන් මෙන් Ruth Buggs නම් දැඩි දේවවාදී තරුණිය ද ගමනට එකතුවෙයි. කෙසේවෙතත් Paulගේ පෙන්වාදීම් හමුවේ ඇය එම දේවවාදී අදහස් අත්හැර දමයි. නොයෙක් දුෂ්කරතා හමුවේ ගමනාන්තයට ඒමට සමත් වන අතර, Paulගේ යානය කඩා වැටුනු දින ඔහුට උදව් කළ Tara නම් දැරිය (දැන් ආච්චි කෙනෙකි) ද හමුවී ඔවුන් සියල්ල සමඟ තම මිත්‍ර‍ පිටසක්වල යානය එන තැනට යයි. එහිදී මේ සියල්ලම විරුද්ධවාදීන්ගේ අතටම හසු වූවත් මෙතෙක් වේලා Paulව ලුහුබදිමින්, ඔහුව බේරාගැනීමට ඩබල් ගේමක් ගැසූ Zoil පැමිණ ඔවුන්ව බේරාගනී. Ruthගේ පියා ද ඔවුන් පසුපස පැමිණෙන අතර ඔහු Paulට තැබූ වෙඩිල්ල වදින්නේ Graemeට ය. Paul නැවතත් ඔහුට පණ දෙන අතර  ඒ මොහොතේම එතැනට කඩාපාත්වන පිටසක්වල යානය නිසා තත්ත්වය වඩාත් යහපත් අතට හැරේ. අවසානයේ Paul යන්නට යන අතර Graemeට Ruthව සෙට් වේ.. ;) පසු කලෙක Graemeගේ හා Cliveගේ පොත ලොව වැඩියෙන් ම විකිණෙන කොමික් පොත බවට පත්වේ. විවිධාකාර හැඟීම් මෙන්ම සිද්ධීන් ද කැටි කරගත්, හොඳ හැටි හිනාවිය හැකි, ටිකක් රළු භාෂාවක් තිබුනත්, හොඳ තත්ත්වයේ sci-fi - comedy ෆිල්මකි.
(Sinhala subtitles සඳහා baiscopelk වෙත පිවිසෙන්න).

How to Train Your Dragon 2 (2014)

අවුරුදු 20ක තරැණයෙක් වූ Hiccup, තම පියා කියන කිසිවක් නොඅසා, තමන්ගේ මකරා වන Toothless හා යෙහෙළිය වන Astrid සමඟ දේශ ගවේශනයේ යෙදෙයි. එක් දනෙක මෙසේ යන විට අහම්බෙන් මෙන් මෙතෙක් හමු නොවූ දේශයක් ඔවුන්ට හමු වෙයි. එහිදි අමුතු ආකාරයේ බලකොටුවක සිටින Eret නම් අයෙක් විසින් මොවුන්ව දඩයම් කිරීමට උත්සහ කරයි. මෙසේ මකරුන් දඩයම් කරන්නේ, Drago Bludvist නම් දරුණු පුද්ගලයාට මකර හමුදාවක් නිර්මාණය කිරීමට බව ද දැනගනී. Hiccup, මේ බව තම පියාට පැවසූ විට ඔහු කලබල වන අතර, තම ගම මෙන්ම එහි සිටින සියළු මකරුන්ව ආරක්ෂා කිරීමට පියවර ගනී. එමෙන්ම ඔහු සැරසෙන්නේ Dragoට එරෙහිව යුද්ධ කිරීමට ය. නමුත් Hiccup උත්සහ කරන්නේ මේ යුද්ධය නැවැත්වීමට ය. ඔහු Toothless සමඟ Dragoව සෙවීමට යයි. ඒ යන ගමනේ දී ඔහුව, තවත් අයෙක් විසින් අල්ලාගනී. පසුව දැනගන්නා පරිදී ඒ වෙන කවුරුත් නොව, මෙතෙක් කල් මියගියායැයි සිතා සිටි, Hiccupගේ මව ය. ඇය තනිවම, Alpha නම් විශාල, නායක මකරාගේ නායකත්වය යටතේ, මකර පාරාදීසයක් පවත්වාගෙන යයි. මේ අතර Hiccupගේ පියා ද මෙහි පැමිණෙයි. නැවතත් තම පවුල එකතු වීමේ සතුට සැමරුවත් එය වැඩි වෙලා නොතිබෙන්නේ Drago, තම මකර හමුදාව ද සමඟ එහි පැමිණි බැවිනි. එහිදී දරුණු සටනක් සිදුවන අතර Drago, ඔහුගේ Alphaලවා අනෙක් Alphaව මාරා දමන අතර Toothless ඇතුළු එහි සිටි සියළු මකරුන් තමන්ගේ ග්‍ර‍හණයට ගනී. එසේම Hiccup ගේ පියා මියයන්නේ ද, මේ සිහි විකල්ව සිටින Toothless නිසා ය. Eret ද Hiccup ගේ කණ්ඩායමට එකතුවෙයි. Drago මේ සියළු මකරුන් රැගෙන Hiccupගේ ගමට යයි. Drago ගේ ග්‍ර‍හණයට හසු නොවන මකර පැටවුන්ගේ මාර්ගයෙන් ගමට යන Hiccup ඇතුළු කණ්ඩායම, නැවතත් හොඳ සටනක් දීමෙන් පසු, අවම හානියකින්, Dragoව පරාද කරයි. එමෙන්ම මෙතෙක් කල් ගමේ නායකත්වය ගැනීමට බියෙන් සිටි Hiccupට, ගමේ නායකයා වීමට ද හැකිවේ. ක්‍රියාදාම මෙන්ම වික්‍ර‍මයන් ද ඇති, සුපිරි තත්ත්වයේ ඇනිමේෂන් ෆිල්මකි.
(Sinhala subtitles සඳහා baiscopelk වෙත පිවිසෙන්න).

Mission: Impossible – Rogue Nation (2015)

කලින් ෆිල්මේ අවසානයේ දී Ethan Hunt විසින් හෙළිකල Syndicate නම් රහස් සංවිධානය ගැන CIA එකට දැනුම්දුන්න ද ඔවුන් Ethanව විශ්වාස කරන්නේ නැත. තව ද CIA විසින් Ethan ඇතුළු කණ්ඩායම සම්බන්ධවී සිටින IMF ඒකකය ද විසුරුවා හරී. ඒ අතර ලන්ඩන් හි සිටින Ethanව, Syndicate සංවිධානයෙන් පැහැරගනී. කෙසේවෙතත් එහිදී ඔහුට පැනයාමට උදව් වන්නේ Syndicate එකට ද සම්බන්ධ MI6 නියෝජිතවරියක වූ Ilsa Faust ය. CIA එක ද Ethanව අල්ලාගැනීමට උත්සහ කරයි. ඒ අතර CIA ට කලින් ඔවුන්වසොයාගැනීමට, Ethanගේ යහළුවන් දෙදෙනෙක් වන Brandt හා Stickell ද උත්සහ කරයි. කලෙකට පසු Ethanගේ උදව්වට CIAහි වැඩකරන ඔහුගේ තවත් යහළුවෙකු වූ Benji Dunn ද ගෙන්වා ගනී. ඔවුන්ගේ අරමුණ Syndicate හි නායකයා වූ Solomon Lane ව අල්ලාගැනීමටයි. මුලින්ම ඔවුන් දෙදෙනා එක්ව Ilsa හමුවීමට මොරොක්කෝවට යන අතර ඇයව හමුවීමෙන් පසු අධි-ආරක්ෂිත ස්ථානයක රඳවා ඇති Syndicate හි තොරතුරු සොරාගැනීම සඳහා සැළසුම් සකස් කරයි. සුපිරි මෙහෙයුමකට පසුව තොරතුරු ලබා ගත්තත් ඒවාත් රැගෙන Ilsa පැනයයි. ඇයව අල්ලා ගැනීමට Ethan දැඩි උත්සහයක් යෙදුවත් එය අසාර්ථක වේ. Ilsa මේ තොරතුරු රැගෙන ගොස් MI6 හි ප්‍රධානියා වූ Attlee ට ලබා දුන්නත් ඔහු එය හොරෙන්ම මකාදමයි. මෙය නොදත් Ilsa එම තොරතුරු Lane වෙත ද ගෙනයන අතර ඒවා මකා ඇති බව දැනගන්නේ එහිදී ය. මේ වනවිට Ethanට, Brandt හා Stickellද හමුවේ. කෙසේවෙතත් Benji, අදාල තොරතුරුවල පිටපතක් (red box) තබාගෙන සිටියත් එය විවෘත කිරීමට බ්‍රිතාන්‍ය අගමැතිගේ ජෛවමිතික තොරතුරු අවශ්‍ය වේ. ඒ අතර Syndicate විසින් Benjiව පැහැරගනී. ඔහුව නැවත ලබාගැනීමට නම් විකේතනය කළ තොරතුරු තමන්ට අවශ්‍ය බව Lane කියයි. නැවතත් සුපිරි මෙහෙයුමකින් පසු අගමැතිගේ ජෛවමිතික තොරතුරු ලබා ගනී. එහිදී Ethanට දැනගන්නට ලැබෙන්නේ Syndicate යනු අගමැතිගේ කලින් අත්හිටවූ ව්‍යාපෘතියක් බවත්, Lane විසින් එය පැහැරගෙන වැරදි ලෙස යොදවන බවත්, Attlee විසින් එයට උදව් දෙන බවත් ය. Attlee ද හසුකර දී Ethan නැවතත් Stickell වෙත එයි. එහිදී Red box එක විවෘත කර බලන ඔහු දකින්නේ එහි ඇත්තේ Syndicate හි තොරතුරු නොව අති විශාල මුදල් ප්‍රමාණයකට අදාල ප්‍රවේශයන් බව ය. අවශ්‍ය තොරතුරු මතක තබාගත් Ethan, එය විනාශ කර දමා Lane ට අවශ්‍ය තොරතුරු දීමට යයි. මුලින්ම Ilsaව හා Benjiව නිදහස් කරගන්නා ඔහු, හොඳ සටනක් දීමෙන් පසු Laneගේ සහයකයන්ව විනාශ කර දමා එතැනින් පැනගනී. Lane, Ethan පසුපස හමා එන අතර අවසානයේ Syndicate විසින් Ethanව අල්ලාගත් ආකාරයෙන් ම Ethan විසින් Laneව හසුකරගනී. එලෙස සාර්ථකව Syndicate සංවිධානය බිඳ දමන අතර CIA විසින් නැවත IMF ද පිහිටුවයි. සුපිරි ක්‍රියාදාම මෙන්ම ත්‍රාසජනක සිද්ධි ද ඇති, අනිවා බැලිය යුතු, සුපිරි ම තත්ත්වයේ ක්‍රියාදාම ෆිල්මකි.
(Sinhala subtitles සඳහා baiscopelk වෙත පිවිසෙන්න)